Msanii Yago Pon Dat amefunguka kuhusu uchungu mkubwa alioupata baada ya kuachana na mke wake Teta Christa. Alielezea hali hiyo katika mahojiano ya kina aliyochapisha kwenye chaneli yake ya YouTube tarehe 25 Juni 2025.
Katika ushuhuda wake, Yago alisema kwamba wakati Teta alipomuacha, hakuwa nyumbani — alikuwa kazini. Alipokea ujumbe kwenye simu kutoka kwa Teta, akimjulisha kuwa ameshaondoka.
Yago alieleza kuwa jambo hilo lilimuumiza sana, hasa kwa kuwa alikuwa na mapenzi ya dhati na mke wake, hasa tangu walipopata mtoto wao wa kwanza waliemwita Life. Akasema: “Mama Life ndiye mtu niliyempenda kwa kweli.”
Kuhusu sababu ya Teta kumuacha, Yago alisema hakukuwa na tatizo lolote linalojulikana kati yao. Hata hivyo, kwa kuzingatia uelewa wake, alisema: “Labda alipitia msongo wa mawazo baada ya kujifungua.”
Yago aliongeza kuwa baada ya yote yaliyotokea, aliamua kuachana kabisa na masuala ya mapenzi na kujielekeza kwenye kazi na muziki, ili aweze kujali maisha yake na mtoto wake. Akasema: “Mapenzi nimeyaacha. Sasa nitajituma kazini, niangalie familia yangu na tuishi vizuri.”
Msanii huyo alikuwa bado anafurahia ujio wa mtoto wao wa kwanza, na mwezi Machi 2025 alikuwa amemwimbia Teta wimbo wa mapenzi uitwao “Elo” ulioonesha matumaini ya familia yenye furaha. Tukio hili alililinganisha na methali ya Kinyarwanda isemayo: “Yule unayemwamini sana ndiye anayekuuma zaidi.”
Alihitimisha kwa kuwashukuru wote waliomuunga mkono wakati huu mgumu, na kuwaomba wasimhurumie kwa sababu yeye ni mwanaume, na lazima akabiliane na hali hiyo.
