Umukambwe Mayaka Emmanuel wamamaye mu Biryogo i Nyamirambo kubera kwerekana imipira yiganjemo iy’i Burayi yitabye Imana.
Inkuru y’urupfu rw’uyu mukambwe w’ikimenyabose i Nyamirambo yatangiye kuvugwa ku mbuga nkoranyambaga mu ijoro ryakeye, mbere yo kwemezwa n’abo mu muryango we.
Uretse kuba Mayaka yari azwi kubera inyubako ye izwi nko ‘Kwa Mayaka’ yerekanirwagamo imipira, anazwi cyane kubera ikipe ya Cine ElMay y’umukino wo gusiganwa ku magare yashinze.
Iyi kipe ni yo ya mbere y’uriya mukino yashinzwe mu Rwanda mu myaka ya za 80.
Umuyobozi wa Cine El May, Karambizi Rabbini Hamin ni we wemeje urupfu rwa Muzehe Mayaka, avuga ko yaguye i Kigali nyuma y’igihe arwaye.
Aganira na IGIHE yagize ati: “Yari amaze iminsi arwaye, arwariye hano i Kigali. Inkuru twayakiriye saa Tatu n’igice. Ni agahinda, ni akababaro. Yari amaze iminsi yari avuye muri Repubulika Iharanira Demokarasi ya Congo kugira ngo yivuze.”
