Katika kata ya Gatsibo, wilaya ya Gatsibo mashariki mwa Rwanda, Ndungutse Balthazar, mzee mwenye umri wa miaka 73, anazua gumzo kutokana na uamuzi wake wa kipekee: ameapa kutooa kamwe, na anasisitiza kuwa hatawahi kufanya hivyo.
Katika mahojiano na TV1, Balthazar alithibitisha kuwa hajawahi kuoa maishani mwake, na hata mawazo ya kuoa hayajawahi kumjia.
Akasema: “Nilitoa kiapo. Sitaki mke.”
Mzee huyo alisema kuwa amechagua maisha ya kujitolea kwa Mungu, na ameweka agano la kiroho na Bikira Maria, mama wa Yesu Kristo.
Akaongeza: “Nilifanya agano na Bikira Maria. Pete niliyoivaa ni ishara ya upendo wangu na uaminifu kwake.”
Balthazar alikanusha vikali wanaomuita “impotent” (asiyeweza tendo la ndoa), akisema kwamba hakuacha kuoa kwa kushindwa au kukosa nafasi, bali ni wito wa ndani aliouhisi na kuuchagua kwa hiari.
