Umunya-Eritrea, Natnael Tesfazion ukinira ikipe y’igihugu cye ni we wegukanye agace ka kane k’isiganwa ry’amagare rizenguruka u Rwanda kavaga mu karere ka Rusizi kerekeza i Rubavu. Mu gitondo cyo kuri uyu wa Gatatu abasiganwa bari bahagurukiye i Rusizi, banyura mu Turere twa Nyamasheke, Karongi na Rutsiro mbere yo gusoreza mu mujyi wa Rubavu. Ni urugendo rureshya na kilometero 206, ari na rwo rurerure muri Tour du Rwanda y’uyu mwaka. Ni kamwe mu duce Abanyarwanda bitwaye neza kuko mu bakinnyi 10 ba mbere harimo babiri.
