Abasirikare 23 ba Nigeria baburiwe irengero nyuma yo kugwa mu mutego w’intagondwa za Boko Haram mu majyaguru y’uburasirazuba bw’igihugu nk’uko byatangajwe kuri uyu wa Gatandatu n’abegereye imitwe yitwara gisirikare ikorana na guverinoma.
“ Kugeza ubu nta makuru dufite y’abantu 23. Muri bo harimo ba ofisiye batanu na ba soldats 18 ”, uyu ni umwe mu bo muri iyi mitwe avugana na AFP i Maiduguri, mu murwa mukuru wa Leta ya Borno.
Uyu yavuze ko bagabweho igitero na Boko Haram mu giturage cya Balagallaye, mu karere ka Boboshe.
Kuwa Gatanu, ngo nibwo igisirikare cyari cyakiriye amakuru ko abaterabwoba babarirwa mu ijana bari barimo kwiyegeranya muri Boboshe, abasirikare nabo bagatangira kwegeranywa ngo bajye kubarwanya.
Iyi nkuru ikomeza ivuga ko hagarutse imodoka 3 mu gihe izindi 8 ndetse n’abandi basirikare baburiwe irengero hakaba hatazwi uko byabagendekeye.
Abatanze amakuru kandi bavuga ko kubera ko Nigeria iri mu bihe by’imvura, imihanda yose yari yuzuyemo amazi, imodoka za gisirikare zari zigiye guhangana zigafatwa mu byondo, Boko Haram akaba ariho yabategeye igatangira kubarasaho. Ngo wari umutego mwiza kandi ingabo za let anta ntege zo kwirwanaho zari zifite.
Ibikorwa by’umutwe wa Boko Haram ufite inzozi zo kugira Nigeria igihugu kigendera ku matwara akakaye ya Kisilamu, bimaze guhitana abantu byibuze 20,000 mu gihe abandi miliyoni 2,6 bataye ibyabo.
