Umutwe wa Etat Islamique (ISIS) ugendera ku matwara ya kiyisilamu wasohoye amashusho werekana uburyo wakase abakirisitu 11 imitwe, uhorera abayobozi bawo
ISIS ivuga ko iki ari kimwe mu bikorwa yakoze byo guhorera abategetsi bayo, biciwe muri Syria, barimo umukuru wayo hamwe n’umuvugizi.
Nta bisobanuro byatanzwe ku bishwe, bose bari abagabo, ariko ISIS ikavuga ko bose “bafashwe mu cyumweru gishize mu ntara ya Borno, iherereye mu Majyaruguru ya muri Nigeria.
Ni video ifite amasegonda 56 ikaba yarakozwe n’ikinyamakuru cya ISIS, Amaq. BBC itangaza ko yasohotse ku wa kane tariki ya 26 Ukuboza 2019. Bamwe bakaba basesengura ko yateguwe kugira ngo izasohorwe ku munsi mukuru wa Noheli abakirisitu bose b’Isi baba bizihiza.
Abishwe ni 11 nk’uko ngo bigaragara muri video, 10 bakaswe imitwe umwe araraswa. Mu mpera z’ukwezi kwa Cumi nibwo uwari umukuru wa Etat Islamique, Abu Bakr al-Baghdadi hamwe n’uwari umuvugizi wayo, Abul-Hasan Al-Muhaji, bishwe
Ku wa 22 Ukuboza 2019, uyu mutwe utangaza ko watangiye ibikorwa byo kubahorera. Ubu ukaba ugaba ibitero mu bihugu bitandukanye ukigamba ko urimo kubahorera.
2 Responses
Nigeria: ISIS yaciye imitwe abakirisitu 11
Aba bantu bori ISIS ni inkorabusa kuko kwica umuntu usanzwe azipfusha uba ukoze ubusa cyane ko uba utari bunamurye kubahora gusa ko ari abakrisitu babarenganyije umwami Imana abakire mu be ariko izinkozi z’ibibi zitegure guhangana n’urubanza rw’Imana
Nigeria: ISIS yaciye imitwe abakirisitu 11
Aba bantu bori ISIS ni inkorabusa kuko kwica umuntu usanzwe azipfusha uba ukoze ubusa cyane ko uba utari bunamurye kubahora gusa ko ari abakrisitu babarenganyije umwami Imana abakire mu be ariko izinkozi z’ibibi zitegure guhangana n’urubanza rw’Imana