Perezida wa Repubulika ya Uganda, Yoweri Museveni kuri uyu wa 24 Kamena 2021 yamenyesheje umufasha we Janet Museveni ko ategereje kugeza ku myaka 100 y’amavuko bakiri kumwe.
Ni ubutumwa Museveni ufite imyaka 76 y’amavuko yageneye Janet mu gitondo cy’uyu munsi yujurijeho imyaka 73 y’amavuko, yanyujije ku rubuga rwa Twitter.
Uyu Mukuru w’Igihugu yabwiye umufasha we ati: “Imana ishimwe ku bwo kubaho kwa Maama Janet Museveni n’imigisha myinshi iva ku Mana iri mu buzima bwe. Turamwifuriza imyaka myinshi y’ubuzima, ibyishimo no gukora.”
Ku kijyanye no kurambana, Perezida Museveni yagize ati: “Ntegereje kugeza ku myaka 100 turi kumwe.”
Janet Museveni yavutse tariki ya 24 Kamena 1948. Yashakanye na Yoweri Museveni mu 1973, bakaba barabyaranye abana bane barimo: Lt. Gen. Muhoozi Kainerugaba, Natasha Karugire, Patience Rwabwogo na Diana Kamuntu.
Kurikira ibiganiro n’amavidewo binyura kuri Bwiza TV
