Mu mubano w’umugore n’umugabo, icyubahiro ni ingenzi kuko gituma urukundo rukura kandi rugakomera. Hari uburyo butandukanye umugore ashobora kugaragariza umugabo we icyubahiro, bigatuma umubano wabo uba mwiza kurushaho.
1. Kumwumva iyo avuga, ntamuce mu ijambo
Kumva neza ibyo umugabo avuga, utamuca mu ijambo ni ikimenyetso cy’uko umwubaha kandi umwitayeho. Bituma yumva ko afite agaciro, kandi ko ibitekerezo bye bifite ireme mu rugo.
2. Kumuha umwanya wo kuyobora urugo
Hari abashakanye bumva ko bagomba gufatanya kuyobora urugo mu buryo bungana, ariko ibi bishobora gutera ikibazo. Kurekera umugabo inshingano zo kuyobora ni ikimenyetso cy’icyubahiro n’icyizere umugore amufitiye.
3. Kwita ku byishimo bye mu mibonano mpuzabitsina
Umugore ufite urukundo nyarwo, aharanira ko umugabo we anyurwa. Iyo bombi bumvikanye, urukundo rwabo ruba rukomeye kurushaho.
4. Kumutekera amafunguro, cyane cyane iyo abikeneye
N’ubwo umugabo ashobora kuba azi guteka, umugore muzima amenya igihe agomba gufata inshingano zo guteka, cyane cyane iyo umugabo avuye mu kazi kenshi cyangwa arushye.
5. Kumugisha inama mbere yo gufata imyanzuro runaka
Mbere yo gukora ibikorwa bimwe na bimwe nko gusohoka n’inshingano nshya, umugore muzima abanza kugisha inama umugabo we. Si uko adashoboye gufata icyemezo, ahubwo ni uko abyitayeho kandi amuha agaciro.
6. Kumushyigikira mu nshingano ze no kumwemerera umwanya wo kuzisohoza
Umugabo ufite inshingano n’intego akeneye umwanya wo kuzikoraho. Umugore mwiza aramwumva, akamuha umwanya akeneye, aho kumusaba kuba hafi igihe cyose.
Iyo umugore yubashye umugabo we muri ubu buryo, umubano wabo urushaho kuba mwiza kandi ugakomera.
One Response
nivyo cane