Umugabo w’imyaka 62 wo mu Karere ka Nyamasheke, yatawe muri yombi akekwaho gusambanya umwana w’imyaka 12 y’amavuko wari uvuye kuvoma.
Mu masaha ya Saa cyenda n’igice (15h30′) nibwo uyu mugabo usanzwe ufite umugore bashakanye byemewe n’amategeko, bivugwa ko yategeye uyu mwana mu nzira avuye kuvoma aramusambanya, amubwira ko yongera kumugurira akantu nk’uko asanzwe abigenza.
Bivugwa ko abaturage kuri iyi nshuro bamubonye babavugiriza induru, umugabo ariruka ariko aza gufatwa saa kumi n’imwe z’umugoroba (17h00′).
Umunyamabanga Nshingwabikorwa w’Umurenge wa Gihombo, Niyitegeka Jérôme, yemeje aya makuru, avuga ko uyu mugabo ubu afungiye ku Sitasiyo y’Urwego rw’Igihugu rw’Ubugenzacyaha (RIB) ya Gihombo mu gihe iperereza rikomeje.
Gusambanya umwana, itegeko risobanura ko umuntu wese ukorera ku mwana kimwe mu bikorwa bishingiye ku gitsina bikurikira, aba akoze icyaha: Ibyo bikorwa bivugwa mu Ingingo ya 133 y’Itegeko nº 059/2023 ryo ku wa 04/12/2023 rihindura Itegeko nº 68/2018 ryo ku wa 30/08/2018 riteganya ibyaha n’ibihano muri rusange.
