Kezia Obama wari nyina wabo wa Barack Obama wabaye Perezida wa Leta Zunze Ubumwe za Amerika, yapfuye ejo tariki ya 13 Mata 2021, afite imyaka 81 y’amavuko.
Inkuru y’urupfu rwa Kezia Obama yatangajwe n’umukobwa we, Auma Obama, ku rubuga rwa Twitter mu masaa tatu y’uyu wa 14 Mata 2021, agira ati: “Ejo hashize napfushije mama nakundaga.”
Kezia Obama yapfiriye mu bitaro byo mu Bwongereza, aho yari amaze iminsi avurirwa. Igitangazamakuru The Standard kivuga ko bitazwi niba ashyingurwa muri iki gihugu cyo ku mugabane w’Uburayi hashingiwe ku myemerere ya Isilamu, cyangwa se niba umurambo we ujyanwa muri Kenya, agashyingurwa mu buryo bwa gakondo.
Kezia apfuye hashize ibyumweru bibiri na nyirakuru wa Obama, Sarah Obama apfuye afite imyaka 99 y’amavuko. Sarah yapfuye tariki ya 29 Werurwe 2021, azize uburwayi.
Inkuru y’urupfu rwa Sarah Obama https://bwiza.com/?Nyirakuru-wa-Barack-Obama-yapfuye
Kurikira ibiganiro n’amavidewo binyura kuri Bwiza TV
