Umuryango wa La Francophonie ufite inshingano zo kurengera “ururimi rw’Igifaransa “, ugiye gufungura ibiro biwuhagarariye muri Quebec na Beirut muri uyu mwaka, nkuko Umunyamabanga Mukuru wawo, Louise Mushikiwabo, uwufata nk’ “Umunara wa Babel”, yabitangarije i New York kuwa Gatandatu.
Umuryango wa OIF ngo Louise Mushikiwabo afata nk’ “Umunara wa Babel” nk’uko iyi nkuru dukesha Arabnews ivuga, ugizwe na leta na guverinoma 88. Kuri ubu Umuryango uhagarariwe ahantu 11 ku Isi.
Guhagararira OIF mu Mujyi wa Quebec bizatangizwa hagati muri Gicurasi kandi bigamije “guhagararira Francophonie ku mugabane wa Amerika”, nk’uko yabisobanuye mu birori byateguwe na Maison française ya Kaminuza. ya New York, yateje imbere ubutwererane mu bijyanye n’umuco hagati y’Isi ivuga Igifaransa na Amerika mu myaka irenga 60 ishize.
Umuyobozi wa OIF, yerekanye ko ibi biro “bizareberera Louisiane (Leta rukumbi yo muri Amerika ikoreshwamo Igifaransa) n’abaturage bose bavuga Igifaransa muri Amerika”.
Ati: “Francophonie yo muri Amerika y’Amajyaruguru ni Québec”. Louise Mushikiwabo yongeyeho ati: “Ibi biro bya Québec bizaba ibiro bikoresha ururimi rw’igifaransa bizaba birimo uburorerezi bwacu bw’ururimi rw’igifaransa ku Isi”.
Ubu burorerezi cyangwa “observatoire”, busohora raporo yerekana uko ururimi rw’Igifaransa rwifashe buri myaka ine, kugeza ubu bufite icyicaro i Paris aho OIF ifite icyicaro gikuru. Yavuze ko muri Québec, buzagira umuhamagaro wo kwiga ikoreshwa ry’ururimi rw’Igifaransa kuri interineti.
Naho guhagararira OIF i Beirut nk’uko tubikesha Arabnews, byakabaye byaratangijwe mu mpera za 2021, bitegereje gusa icyemezo cy’Inteko Ishinga Amategeko ya Liban kugirango bitangizwe, nk’uko Mushikiwabo utemeje igihe bazahurira ngo bafate umwanzuro yabitangaje.
Inshingano nyamukuru za La Francophonie ni uguteza imbere “ururimi rw’Igifaransa n’imico n’indimi bitandukanye”, “amahoro, demokarasi n’uburenganzira bwa muntu”, cyangwa “gushyigikira uburezi”.
