Ishami ry’Umuryango w’Abibumbye ryita ku Buzima, OMS/WHO riravuga ko imibare y’abandura Covid-19 yiyongereye ku kigero cya 18% mu cyumweru gishize. OMS ivuga ko abantu barenga imiriyoni 4.1 aribo bashya banduye ku Isi yose gusa ikavuga ko abahitanwa n’iki cyorezo batoyongereye cyane. Kuri ubu barabarirwa mu bihumbi umunani na 500 bakiyongera cyane mu burasurazuba bwo hagati, Aziya y’epfo no ku mugabane wa Amerika. Umuyobozi mukuru wa OMS, Tedros Adhanom Ghebreyesus, yavuze ko mu bihugu 110 birimo ubwoko bwa Covid-19 bwa omicron ariho abandura biyongereye. Tedros avuga ko mu gihe abantu barenga miliyari 1.2 ari bo bamaze inkingo za Covid-19, abakingiwe mu bihugu bikennye ngo baracyari bake ku kigero cya 13%.
