Perezida Paul Kagame arategura inama azagirana n’Abaminisitiri 54 b’Ububanyi n’amahanga, iyo nama izaba igamije kurebera hamwe uburyo hanozwa gahunda y’impinduka mu muryango wa Afurika yunze ubumwe nk’imwe mu nshingano yahawe mu mwaka wa 2016.
Muri Nyakanga 2016, nibwo abakuru b’ibihugu bagize umuryango wa Afurika yunze ubumwe mu nama yari yabahuje ku nshuro ya 27, bemeje Perezida Paul Kagame nk’umuyobozi uzakurikiranira hafi ibijyanye n’iterambere ndetse n’impinduka z’umuryango wa Afurika yunze ubumwe, hagamijwe guteza imbere abaturage bo mu bihugu bihuriye muri uyu muryango.
Naho muri Mutarama 2017, izi mpinduka zigamije iterambere ry’umuryango wa UA byemejwe ko zizajya zireberwa hamwe n’abakuru b’ibihugu na za Guverinoma bose.
[xyz-ihs snippet=”google-pub”]
Biteganyijwe ko ku itariki ya 7 Gicurasi 2017, ari bwo Perezida Kagame azayobora iyi nama i Kigali, bazarebera hamwe ku iterambere rya wo n’iry’umugabane wa Afurika muri rusange n’uburyo hanozwa ingingo zigamije kuwuteza imbere.
Biteganyijwe ko itsinda rizafasha Perezida Kagame mu gushyira mu bikorwa izi mpinduka z’umuryango wa Afurika yunze ubumwe harimo Amina J. Mohammed, umunyamabanga wungirije wa UN wanahoze ari Minisitiri w’ibidukikije muri Nigeria.
Undi ni Dr Donald Kaberuka, wahoze ari Perezida wa banki Nyafurika itsura Amajyambere; Strive Masiyiwa, umuyobozi wa Econet Wireless; Tito Mboweni, wahoze ari Guverineri wa Banki nkuru muri Afurika y’Epfo; Dr Carlos Lopes, Umunyamabanga Nshingwabikorwa wa UNECA; Cristina Duarte, wahoze ari Minisitiri w’Imari muri Repubulika ya Cabo Verde; Vera Songwe, Umunyamabanga Nshingwabikorwa wa ECoAf ndetse Dr Acha Leke, umufatanyabikorwa mukuru muri McKinsey & Co.
Bimwe mu bizigirwa muri iyo nama:
-Kurebera hamwe uburyo ijwi ry’abaturage ryakumvikana mu bibakorerwa ndetse no kureba uko imikoranire hagati y’ibihugu ihagaze mu rwego rw’isi.
-Kuzamura ibikorwa bya Afurika yunze ubumwe mu buryo bw’iterambere rirambye
-Kurebera hamwe Bizinesi zazamura umuryango mu buryo buboneye buri wese
[xyz-ihs snippet=”google-pub”]
Iyi nama iteguwe nyuma y’uko ku itariki ya 24 Mata 2017, Perezida Paul Kagame yari mu gihugu cya Guinee Konakry, aho yari yagiye guhura n’abandi bayobozi barimo Conde, wa Guinea; Perezida wa leta ya Tchad, Deby ndetse na Moussa Faki Mahamat, ari na we uyoboye Afurika yunze ubumwe kuri ubu, iri huriro rikaba ryari rigamije kwemeranya ku ngingo ngenderwaho zigamije kuzana impinduka mu muryango zateguwe na Perezida Kagame.
Kanda hano ujye ubona amakuru yihuse kandi kugihe kuri Facebook no kuri twitter
Nsengiman@Bwiza.com
