Perezida Kagame kuri uyu wa 15 Nzeri 2020 yashyize ku rubuga rwa Twitter ifoto ari kumwe n’umwuzukuru we, yongeraho ko bagiranye impera z’icyumweru nziza.
Umukuru w’Igihugu agaragara muri iyi foto afashe uyu mwana w’uruhinja, agira ati: “Nagize impera z’icyumweru nziza n’aka karemwamuntu keza cyane.”
Uyu mwuzukuru we yabyawe na Ingabire Ange Kagame na Bertrand Ndengeyingoma muri Nyakanga.
Byari ibyishimo bidasanzwe kuri Perezida Kagame ubwo uyu mwana yavukaga, avukiye mu bitaro byitiriwe Umwami Faisal i Kigali. Tariki ya 6 Nzeri 2020 ni bwo yahishuriye Abanyarwanda ko uyu mwana ari umukobwa.
