Uyu munsi tariki ya 18 Ukuboza (Kigarama) 2018, nibwo Petero Nkurunziza, Perezida wa Repubulika y’u Burundi yujuje imyaka 55 amaze avutse. Abarundi n’abandi banyuranye, bazindutse bamwifuriza isabukuru mpire y’imyaka 55 amaze avutse.
Perezida Petero Nkurunziza yavutse kuwa 18 /12/1963. Yahoze ari Umuyobozi w’Umugambwe CNN-FDD Mbere yo kuba Perezida w’u Burundi. Yabaye kandi Minisitiri w’imiyoborere myiza muri Guverinoma ya Perezida Domisiyani Ndayizeye.
Petero Nkurunziza abyarwa na Eutache Ngabisha nawe wabaye Umunyapolitiki mu Burundi, kuko yabaye mu Nteko Ishinga Amategeko y’iki gihugu kuva mu mwaka wa 1965, aba na Guverineri w’intara ebyiri.
Petero Nkurunziza yabaye umwigisha muri Kaminuza y’u Burundi no mu Ishuri Rikuru rya Gisirikare (Institut Supérieur Des Cadres Militaires / ISCAM). Ayobora u Burundi nka Perezida wa Repubulika, kuva kuwa 26/08/2018.
IMWE MU MIDARI PEREZIDA PETERO NKURUNZIZA AFITE
- 2017: Umudali w’Ubutwari witiriwe Mandela , watanzwe na Institut Mandela , France
- 2014: Umudali w’Umugaba w’Ingabo z’amahoro, UNESCO, France
- 2013: Umudali w’Umuyobozi Ntangarugero w’iterambere ry’Abanyafurika, Afrijapan, Tokyo
- 2011: Umudali w’Umunyapolitiki Ndakemwa, Monaco
- 2010: Umudali w’Inyenyeri irasiye Afrika, India
- 2009: Umuyobozi ubereye Afrika Nshya, AFREG, Kenya
- 2007: Impamyabumenyi y’Ikirenga (PHD) y’icyubahiro, USA
- 2006: Igihembo cy’amahoro, Italy
NTWALI John Williams
