Urwego rushinzwe ubuzima muri Chile ku wa 18 Ukuboza 2020, rwatangaje ko Umukuru w’Igihugu, Perezida Sebastian Pinera yaciwe amande y’amafaranga 3,500 y’amadolari ya Amerika ($3500), azira kwifotozanya n’umugore, nta dupfukamunwa bambaye.
CNN ivuga ko mu ntangiriro z’uku kwezi ubwo Perezida Pinera yatemberaga ku musenyi mu gace ka Cachagua ari bwo uyu mugore yamusabye ko bakwifotoza ifoto ya ‘selfie’.
Perezida Sebastian Pinera
Kuva icyo gihe ifoto yatangiye gusakara ku mbuga nkoranyambaga, abenshi bibaza uburyo Umukuru w’Igihugu ari we utubahiriza amabwiriza yo kwirinda icyorezo cya Covid-19 kiri gufata indi ntera muri Chile.
Perezida Pinera nyuma yo gucibwa aya mande, yemeye kuyatanga ndetse asaba imbabazi ku bwo kurenga kuri aya mabwiriza.
Bitewe n’ubukana bwa Covid-19 muri Chile, hashyizweho ingamba n’amabwiriza bikaze. Utabyubahirije, ashobora gucibwa amande cyangwa se akaba yanafungwa.
