Perezida wa Ukraine, Volodymyr Zelensky, yaganiriye na mugenzi we uyobora Repubulika ya Demukarasi ya Congo (RDC), Félix-Antoine Tshisekedi Tshilombo.
Zelensky kuri uyu wa 9 Kanama 2022 yatangaje ko ikiganiro cye na Tshisekedi cyibandaga ku ngaruka z’intambara u Burusiya bwashoje kuri Ukraine, by’umwihariko ku ibura ry’ibiribwa.
Yagize ati: “Nagiranye ikiganiro na Perezida Felix Tshisekedi. Mu kiganiro cya mbere kibayeho, nashimangiye ko dukeneye gukemura ikibazo cy’ibiribwa cyatewe n’ubushotoranyi bw’u Burusiya. Nagaragaje akamaro ko kudushyigikira kwa RDC by’umwihariko muri UN. Niteguye gukomeza ubufatanye na Afurika!”
Iki kiganiro cyamaze hafi isaha, cyabayeho mu gihe uyu munsi Umunyamabanga wa Leta zunze ubumwe za Amerika (USA), igihugu kiri mu bishyigikiye Ukraine bikomeye muri iyi ntambara, ategerejwe muri RDC.
RDC ni kimwe mu bihugu 141 byatoye umwanzuro w’Umuryango w’Abibumbye (UN) wo muri Werurwe 2022 wasabaga ingabo z’u Burusiya kuva ku butaka bwa Ukraine.
2 Responses
Perezida wa Ukraine yaganiriye n’uwa RDC
Birumvikana, ni ukuvuga, niba ushaka ko America igufasha, buza abaturage bawe kwigaragambya bafite ifoto ya putin, ndetse ureke Monusco ikomeze akazi.
Perezida wa Ukraine yaganiriye n’uwa RDC
Birumvikana, ni ukuvuga, niba ushaka ko America igufasha, buza abaturage bawe kwigaragambya bafite ifoto ya putin, ndetse ureke Monusco ikomeze akazi.