Kuri uyu wa Kane tariki ya 02 Werurwe 2023, Ishimwe Dieudonné wamenyekanye nka Prince Kid yasezeranye imbere y’amategeko na Miss Iradukunda Elsa wabaye nyampinga w’u Rwanda wa 2017.
Aba bombi basezeraniye ku biro by’Umurenge wa Rusororo mu karere ka Gasabo ku gicamunsi cyo kuri uyu wa Kane.
Ishimwe Dieudonné yamenyekanye cyane kubera Rwanda Inspiration Back Up yahoze itegura irushanwa rya Miss Rwanda yahoze ayoboye.
We na Miss Iradukunda Elsa bavuzwe cyane mu mwaka ushize wa 2022 kubera saga yerekeye ruswa ishingiye ku gitsina yavuzwe cyane muri Miss Rwanda.
Ni saga yatumye Ishimwe Dieudonné atabwa muri yombi n’Urwego rw’Igihugu rw’Ubugenzacyaha (RIB), gusa aza kugirwa umwere n’Urukiko Rwisumbuye rwa Nyarugenge muri uyu mwaka wa 2023.
Ubusambanyi byavuzwe ko bukorerwa abakobwa bitabiraga Miss Rwanda kandi bwanatumye na Miss Iradukunda Elsa afungwa igihe gito, nyuma aza kurekurwa.
Ishimwe Dieudonné ‘Prince Kid’ na Miss Elsa bahamije urwo bakundana imbere y’amategeko, mu gihe uyu musore yitegura gusubira imbere y’ubutabera aho agomba kuburana mu bujurire, nyuma y’uko ubushinjacyaha bujuririye icyemezo cyo kumurekura.
