Rais wa Marekani Donald Trump alitangaza siku ya Jumatano kuwa Rais wa Urusi Vladimir Putin alimwambia kwa simu kwa msisitizo mkubwa kwamba ataujibu vikali ushambulizi la ndege zisizo na rubani la Ukraine lililofanyika mwishoni mwa wiki kwenye viwanja vya ndege vya kijeshi vya Urusi na kuharibu ndege zake za kivita.
Katika ujumbe alioweka kwenye Truth Social, Trump alisema:
“Tulizungumza kuhusu shambulizi dhidi ya ndege za kijeshi za Urusi zilizokuwa zimeegeshwa, kuhusu Ukraine, na mashambulizi mengine mbalimbali kutoka pande zote mbili.”
“Ilikuwa mazungumzo mazuri, lakini siyo yaliyolenga amani ya haraka.”
Mazungumzo hayo ya simu yalichukua saa moja na dakika 15, na kulingana na taarifa ya Euronews, ilikuwa ndiyo mara ya kwanza Trump kuzungumza na Putin tangu Mei 19.
Katika kikao chake na mawaziri wa serikali siku ya Jumatano, Putin hakuzungumzia mashambulizi ya Ukraine ndani ya Urusi yaliyotokea siku ya Jumapili. Badala yake, alizungumzia tu operesheni ya Jumanne iliyofanywa na Idara ya Usalama ya Ukraine (SBU) ambayo iliharibu daraja la Kerch.
Daraja hilo ni miundombinu ya kimkakati iliyojengwa na Moscow kwa njia isiyo halali baada ya kuiteka sehemu ya Ukraine mwaka 2014.
