Ikipe ya Rayon Sports yafatiye ibihano ba myugariro bayo, Habimana Hussein ‘Eto’o na Mitima Isaac, bazira imyitwarire mibi.
Aba basore bombi bahagaritswe mu gihe kingana n’icyumweru.
Amakuru avuga ko mu byo bazize harimo kuba bataritabiriye inama itegura umukino w’umunsi wa cyenda wa shampiyona Rayon Sports iheruka gutsindamo AS Kigali ibitego 2-1.
Ni umukino aba bakinnyi bombi batiyambajweho.
Mitima Isaac na Habimana Hussein ntibagaragaye mu myitozo Rayon Sports yakoze ejo ku wa Mbere kuko icyemezo cyo kubahagarika cyari cyamaze gufatwa.
Ibi bivuze ko aba basore batazanagaragara mu mukino w’umunsi wa 10 wa shampiyona Rayon Sports izakiramo Police FC kuri uyu wa Gatatu.
