Nyuma y’uko Rayon Sports iguze umukinnyi witwa Alseny Camara, kuri ubu yamaze kugura undi rutahizamu ukomoka muri Senegale.
Uyu mukinnyi witwa Alon Paul Gomis yageze i Kigali mu rukerera rwo kuri uyu wa 22 Ukuboza, yakirwa n’Umuvugizi w’iyi kipe, Ngabo Robben ndetse na Claude Muhawenimana uyobora abafana.
Biteganyijwe ko uyu mukinnyi azashyira umukono ku masezerano, nyuma y’uko azabanza gukorerwa isuzumwa dore ko ngo iyi kipe itazongera gusinyisha umukinnyi atabanje gupimwa urwego rwe..
Uyu Alon Paul aje asanga munya Guinée Alsény Camara Agogo, biteganyijwe ko azamara icyumweru hanze y’ikibuga, nyuma yo kuvunikira mu myitozo yo ku wa Kane, tariki 21 Ukuboza 2023.Muri Shampiyona Rayon Sports iri ku mwanya wa kane n’amanota 27, irushwa atandatu na APR FC ya mbere
