Ikipe ya Rayon Sports yemeje ko yamaze guhagarika igihe kitazwi Umurundi Irambona Masudi Djuma kubera umusaruro mubi.
Iyi kipe yemeje aya makuru ibinyujije ku rukuta rwayo rwa Twitter.
Iti: “Umutoza mukuru wa Rayon Sports Masudi Djuma Irambona yahagaritswe n’ubuyobozi bw’ikipe nyuma y’umusaruro mubi.”
Rayon Sports yavuze ko Romami Marcel wari umwungirije ari we usigarana ikipe by’agateganyo.
Masudi Djuma yahagaritswe mu gihe Rayon Sports iri ku mwanya wa kane n’amanota 11, irushwa atanu na Kiyovu Sports ya mbere.
Iyi Kiyovu Sports yafashe umwanya wa mbere nyuma yo gutsinda Rayon Sports ibitego 2-0, ibyanatumye umutoza Masudi atakarizwa icyizere burundu.
