Mu gihugu cya Repubulika Iharanira Demokarasi ya Kongo, nibura abantu 32 bapfuye nyuma y’uko ikiraro cyakoreshwaga n’abacukura cobalt gisenyutse hejuru y’agace kari kamaze iminsi kuzuye amazi mu bucukuzi bw’i Kalando, mu ntara ya Lualaba.
Ubuyobozi bwo muri ako gace bwemeje ko ibi byabaye ku wa Gatandatu, ubwo abantu benshi bari bagerageje kwambuka ikiraro cyubatswe mu buryo bworoheje, cyaje gusenyuka cyigwa hejuru y’ahari umwuzure.
Abashakisha bakomeje ibikorwa byo gushakisha imibiri, ariko kugeza ubu hamaze kuboneka imirambo 32.
Minisitiri w’Ubutegetsi bw’Intara ya Lualaba, Roy Kaumba Mayonde, yatangaje ko hari hashyizweho itangazo ribuza abantu kwinjira ahantu hacukurwa kubera imvura nyinshi n’icyago cy’inkangu. Ariko, abacukuzi batemewe barenze ku mabwiriza, binjirirayo ku ngufu.
Bivugwa ko abantu benshi bahise birukira ku kiraro mu gihe cy’umuvundo, bituma kigwa.
