Kuri uyu wa mbere, tariki ya 14 Nzeri, umusirikare wa FARDC yishwe n’abaturage bigaragambyaga bariye karungu mu Mujyi wa Oicha, muri Kivu y’Amajyaruguru, aho aba baturage biganjemo urubyiruko bishoye mu mihanda bamagana iyicwa ry’abasivili babiri bishwe kuri iki Cyumweru n’umupolisi.
Intumwa ya guverineri yageze muri Oicha, Nicolas Kikuku yabwiye ACTUALITE.CD ko imbunda y’uyu musirikare wishwe zajyanywe n’abigaragambyaga. Yongeyeho ko uyu musirikare wawubyukanye yicishijwe inkoni.
Ati: “Baramwishe, bamwiba imbunda. Bakurubanye umurambo we hasi kugeza bawujugunye mu rwobo”.
Ubwicanyi bubiri bwo kuri iki Cyumweru bwabereye mu gace ka Masosi mu mujyi wa Oicha, bwatumye abigaragambya barakarira bikomeye abashinzwe umutekano.
Muri uyu mujyi hakaba hakiri impagarara, urusaku rw’amasasu rimwe na rimwe rurikumvikana mu duce twa Masosi na Pakanza mu burasirazuba bwa Oicha ahakomeje kugaragara imbaga y’abaturage birunze matsinda.
