Ingengabihe y’amatora muri Repubulika iharanira Demokarasi ya Congo izatangazwa mbere y’impera z’iki cyumweru mu rwego rwo kubahiriza yo kuwa 31 Ukuboza 2016 nk’uko byatangajwe na Visi Perezida wa Komisiyo y’Amatora (CENI), Norbert Basengezi, kuri uyu wa gatatu I Kinshasa ubwo yabonanaga na Musenyeri Oscar Cantu, perezida wa komisiyo mpuzamahanga ishinzwe ubutabera n’amahoro muri Kiliziya Gaturika.
Visi perezida wa CENI yagize ati: “Twavuganye nyine ku ngengabihe. Tugiye kuyitangaza mu mpera z’iki cyumweru. Twavuze ko amasezerano ya Saint Sylvestre agomba kubahirizwa..”
[xyz-ihs snippet=”google-pub”]
Kugirango iyi ngengabihe izemerwe nk’uko iyi nkuru dukesha Radio Okapi ikomeza ivuga, kuri uyu wa gatatu CENI yicaranye n’Inama y’igihugu ishinzwe gukurikirana amasezerano n’igikorwa cy’amatora (CNSA) ndetse na guverinoma bakaganira nk’uko Norbert Basengezi akomeza avuga.
Basengezi akaba avuga ko yizeye ko ingengabihe y’amatora izatangazwa izabona inkunga y’abafatanyabikorwa.
Iyi nkuru irasoza ivuga ko uyu musenyeri Oscar Cantu, yaturutse muri Leta Zunze Ubumwe za Amerika aje gushyigikira amasezerano ya Saint Sylvestre yashyizweho umukono bigizwemo uruhare na CENCO (La Commission Episcopale Nationale du Congo ).
Ibi bikaba bitangajwe nyuma y’uko guhera kuri uyu wa Mbere ushize ahantu hatandukanye muri iki gihugu hari hatangiye imyigaragambyo yo gusaba iyi komisiyo gutegura amatora ya perezida bitarenze uyu mwaka mu gihe yo yari iherutse gutangaza ko amatora adashobora kuba mbere ya 2019.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
