Col. Muhindo Rubenga Yves, Komanda wa Regiment ya 3404 y’Igisirikare cya Repubulika ya Demokarasi ya Congo, ushinjwa kugambanira igihugu nyuma y’ifatwa ry’agace ka Bunyakiri na Bitale mu minsi ishize yatawe muri yombi.
Amakuru aravuga ko yafashwe n’abarwanyi bo mu mutwe wa "Wazalendo" bafatanyije na bamwe mu barinzi be.
Biteganyijwe ko azajyanwa i Kinshasa kugira ngo abazwe ku bikorwa bye. Amashusho agaragaza ifatwa rye agaragaza ukuntu yakojejwe isoni mu ruhame akubitwa n’inyeshyamba.
Ifatwa rya Col. Muhindo rije nyuma y'uko abaturage ba Bunyakiri, muri Teritwari ya Kalehe muri Kivu y’Amajyepfo, bavuze ko abarwanyi ba FRN bafashe uduce twa Bitale na Bulambika, nyuma y’uko, kuwa Gatandatu, Ingabo za Repubulika ya Demokarasi ya Congo (FARDC) hamwe n’abarwanyi ba "Wazalendo" bavuye mu birindiro bitandukanye, bashinja umuyobozi w’ingabo muri ako gace, Col Muhindo, kugira uruhare mu ifatwa rya Bunyakiri.
Mu itangazo bashyize ahagaragara ku itariki 7 Ugushyingo, bashinje by’umwihariko Colonel Muhindo Rubenga Yves, Umuyobozi wa Regiment ya 3404 ari na we ushinzwe ibikorwa bya gisirikare mu gace ka Bunyakiri, hamwe na Bwale Hamakombo, Umuhuzabikorwa w’umutwe wa VDP/RAD, w’inyeshyamba za Wazalendo, kuba barabangamiye ibikorwa byo guhangana n’umwanzi by’ingabo za leta bigatuma ibice bivugwa bifatwa.
Soma inkuru bifitanye isano hano hasi