RDC: Hamenyekanye itariki amatora y’Umukuru w’Igihugu azaberaho

Komisiyo y’amatora muri Repubulika Iharanira Demokarasi ya Congo (CENI), yatangaje ko amatora y’Umukuru w’iki gihugu azaba ku wa 20 Ukuboza 2023.

Ni ibyatangajwe na Perezida wa Komisiyo y’amatora muri RDC, Dénis Kadima; mu ngengabihe y’amatora rusange yatangajwe kuri uyu wa Gatandatu.

Uretse amatora y’Umukuru w’Igihugu ateganyijwe ku wa 20 Ukuboza, uwo munsi hazanaba amatora y’abagize Inteko Ishinga Amategeko ya Congo Kinshasa.

Biteganyijwe ko ibikorwa byo kwiyamamaza ku ba kandida Perezida, abadepite ku rwego rw’igihugu ndetse n’abo ku rw’intara bizatangira ku wa 19 Ugushyingo birangire ku wa 18 ukuboza; mbere y’iminsi ibiri ngo amatora y’Umukuru w’Igihugu abe.

Byitezwe ko Perezida mushya wa Congo Kinshasa azarahira tariki ya 20 Mutarama 2024.

Kugeza ubu abakandida barimo Perezida Félix Antoine Tshisekedi na Martin Fayulu bahatanye mu matora aheruka muri 2018 bari mu bamaze kwemeza ko bazongera kwiyamamaza.