Umuhanga mu by’imiti wo muri Repubulika ya Demukarasi ya Congo, Etienne-Flaubert Batangu yakoze umuti witwa ‘Manacovid’ avuga ko ushobora kuvura icyorezo cya Covid-19 ndetse ngo watangiye kugera ku isoko.
Nk’uko tubikesha Actualité, uyu muti wakozwe mu bimera byo muri RDC wemewe na Minisiteri y’Ubuzima y’iki gihugu tariki ya 24 Ugushyingo 2020 nyuma yo kugeragezwa bikagaragara ko washobora kuvura abarwayi b’iki cyorezo.
Abarwayi 300 ba Covid-19 bari bacumbikiwe mu bigo bitatu bishinzwe kubitaho muri Kinshasa, bahawe uyu muti. Nyuma yo kuwuhabwa, bose ntabwo bongeye kugaragaza ibimenyetso by’iki cyorezo.
Uyu muti watangiye kugezwa mu maguriro (pharmacies) guhera kuri uyu wa 30 Ukuboza 2020. Batangu ati: “Manacovid iri ku isoko ubu ngubu.” Yavuze ko bakeneye ubufasha bwa Leta, cyane ko aho ageze itigeze imufasha kandi ari yo izawugurira abaturage.
Nk’uko imiryango nka OMS ibitangaza, ntabwo Covid-19 irabonerwa umuti, keretse inkingo ebyiri (Pfizer na Moderna) zatangiye guterwa abaturage mu bihugu nk’u Bwongereza na Leta Zunze Ubumwe za Amerika nyuma yo kugirirwa icyizere ku kigero kigera kuri 90%, urundi rwa Astra Zeneca rutegereje kwemezwa.
Gusa n’ubwo bimeze bityo, ntibyabujije abashakashatsi bigenga nka Batangu n’abashyigikiwe n’ibihugu gukomeza gushakisha imiti n’izindi nkingo zishobora gufasha abatuye Isi guhashya icyorezo cya Covid-19.
2 Responses
RDC: Hari umuti watangiye kugera ku isoko, bizera ko wavura Covid-19
Ikigezweho ni ukwirwanaho. Uzategereza OMS si uwanjye.rdc mukomereze ago.
RDC: Hari umuti watangiye kugera ku isoko, bizera ko wavura Covid-19
Ikigezweho ni ukwirwanaho. Uzategereza OMS si uwanjye.rdc mukomereze ago.