Urusaku rw’intwaro ziremereye n’intoya kuri uyu wa Kane, itariki 26 Ukwakira 2017, byumvikanye mu majyaruguru y’uburasirazuba bw’umujyi wa Beni mu ntara ya kivu y’Amajyaruguru. Ni mu gihe Ambasaderi wa Leta zunze Ubumwe za Amerika muri Loni, Nikki Haley, yatangiye uruzinduko rw’akazi rw’iminsi 2 muri iki gihugu guhera ku mugoroba wo kuri uyu wa gatatu, itariki 25 Ukwakira.
Nk’uko amakuru y’ibanze aturuka mu gisirikare cya Congo, FARDC, avuga, ngo inzego zishinzwe umutekano no kurinda ubusugire bw’igihugu zihanganye n’abantu bitwaje ibirwanisho bikekwa ko ari abo mu mutwe wa ADF mu Murenge wa Mayangose/Kipriani wo mu Karere ka Rwenzori.
[xyz-ihs snippet=”google-pub”]
Radio Okapi dukesha iyi nkuru iravuga ko iki kibazo cyateje ubwoba mu Mujyi wa Beni cyane ku batuye mu nkengero za Rwenzori, ahari kubera imirwano no ku mihanda yerekeza muri centre ya Beni.
Umuyobozi w’uyu mujyi, Nyonyi Bwanakwa, avugana na Radio Okapi, ntiyatananze amakuru arambuye, ariko avuga ko bari kubikurikiranira hafi.
Iyi nkuru irasoza ivuga ko kuri ubu ahantu h’ingenzi mu Mujyi wa Beni hacunzwe bikomeye n’ingabo za Leta.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
