Umuyobozi w’inyeshyamba witwa Cisayura wari warihaye ipeti rya General, mu ijoro ryo kuwa Gatanu, itariki 18 Ukwakira, yiciwe mu mirwano hagati y’imitwe ibiri y’inyeshyamba yabereye muri Pariki y’igihugu ya Kahuzi Biega, muri Teritwari ya Kabare, ho muri Kivu y’Amajyepfo.
Biravugwa ko yarashwe n’inyeshyamba za Col Chance bari bahanganye. Aba bayobozi bombi b’inyeshyamba bakaba batunzwe no gucukura mu buryo butemewe amabuye y’agaciro n’ibiti byo muri pariki.
Byose ngo byatangijwe n’amakimbirane yahuje impande zombie kuva mu ntangiriro z’iki cyumweru. Sosiyete Sivile ya Kabare ikaba yemeje ko Gen. Ciyasura ari we watangije amakimbirane ubwo yafataga nta mpamvu umwe mu barwanyi b’umwanzi we. Uyu mwanzi we, Col. Chance nawe yahise afata icyemezo cyo gutangiza intambara.
Radio Okapi dukesha iyi nkuru ivuga ko amasasu yumvikanye amasaha runaka muri iryo joro ryo kuwa Gatanu, Gen. Ciyasura akaba yararasiwe mu giturage cya Cianyana, muri Bulindi agahita apfa.
Ibi ngo bikaba byarateje icyoba mu baturage ijoro ryose ndetse no mu gitondo cyo kuri uyu wa gatandatu ushize mu biturage byegereye Pariki ya Kahuzi Biega.
