Nyuma yaho bitangarijwe ko umuhanzi Kizito Mihigo na Ingabire Victoire, bari mu mfungwa 2,140 zahawe imbabazi n’umukuru w’igihugu, Pauk Kagame, basohotse muri gereza.
Mu gitondo cyo kuri uyu wa 15 Nzeri 2018, nibwo Ingabire Victoire na Kizito bagaragaye basohoka muri gereza ya Mageragere iri mu karere ka Nyarugenge, mu mujyi wa Kigali.
Umuryango KMP (Kizito Mihigo pour la Paix) washinzwe na we, ubicishije ku rukuta rwawo rwa Twitter, urashimira Perezida Kagame ku bw’izi mbabazi yahaye umuyobozi wawo. Wagize uti “ Fondation (KMP) irashimira Perezida Paul Kagame kuba yarekuye umuhanzi Kizito, umuyobozi n’umwarimu wacu. Turizera ko iki gikorwa cy’indashyikirwa ari intangiriro nshya y’ibikorwa by’amahoro by’uyu muhanzi wayitangiye. Ni ukuri turashimye”.
