Umunya-Pologne Robert Lewandowski yafashije Bayern Munich akinira kunyagira Wolfsburg ibitego 4-0, aca agahigo ka kera ka Gerd Müller ndetse n’aka Cristiano Ronaldo.
Lewandowski yatsinze igitego cya kane muri uyu mukino, ahita yuzuza ibitego 43 amaze gutsindira Bayern Munich muri Shampiyona y’u Budage muri uyu mwaka wa 2021.
Yahise aca agahigo kari gafitwe na Gerd Müller watsindiye Bayern Munich ibitego nk’ibi muri Shampiyona y’Abadage mu 1972.
Muri rusange Robert Lewandowski yatsindaga igitego cya 69 muri uyu mwaka wa 2021 mu marushanwa yose, ibyatumye aca agahigo ka Cristiano Ronaldo watsinze ibitego nk’ibi mu mikino 59 yakinnye muri 2013.
Aba bombi baracyafite akazi gakomeye ko gukuraho agahigo k’umunya-Argentine Lionel Messi watsinze ibitego 91 muri 2012, akaba ari na we ufite agahigo ko gutsinda ibitego byinshi kuri kalendari y’umwaka.
