Kuri uyu wa Kane, abaturage 16 bahitanywe n’imirwano hagati ya M23 n’umutwe wa Wazalendo muri Teritwari ya Rutshuru, mu ntara ya Kivu y’Amajyaruguru mu burasirazuba bwa Repubulika ya Demokarasi ya Congo .
Umuyobozi w’iyi teritwari, Isaac Kibira, yabwiye itangazamakuru ko abarwanyi ba Wazalendo, ubusanzwe bafatanya na FARDC, bateye ibirindiro bya M23, abasivivili barindwi bahasiga ubuzima.
Yongeyeho ko mu yindi mirwano yabereye mu Kandi gace muri Rutshuru, imodoka yari itwaye abagenzi yatwitswe, ipfiramo abaturage icyenda.
Ibyo ari byo byose nta murwanyi n’umwe wo muri iyi mitwe yombi avuga ko yaba yishwe. Nta ruhare abapfuye bari bafite mu mirwano.
Ni imirwano ikomeje mu gihe bivugwa ko hari agahenge ko guhagarika imirwano katangiye kubahirizwa kuva kuwa 4 Kanama.
