Minisiteri y’Ubuzima mu Rwanda kuri uyu wa 16 Kamena 2020 yatangaje ko hagaragaye abandi bantu 24 banduye Covid-19 mu bipimo 2742 byafashwe.
Abarwayi bashya hagaragaye ni abo mu Karere ka Rusizi ndetse n’Abanyarwanda batashye.
Abamaze gukira iki cyorezo bagumye kuri 338 kuko uyu munsi nta wakize wabonetse.
Muri rusange abamaze kugaragaraho iki cyorezo muri iki gihugu ni 636 abantu 296 ni bo bakirwaye. Abishwe nacyo ni babiri barimo umushoferi w’imyaka 65 y’amavuko n’umupolisikazi w’imyaka 24 y’amavuko.
