Nchini Rwanda, wataalamu wa magonjwa ya ngozi wanasema kuwa kuna sababu mbalimbali zinazosababisha upotevu wa nywele, ikiwa ni pamoja na kurithi, mabadiliko ya homoni, msongo wa mawazo, lishe duni, na matumizi mabaya ya dawa au mafuta ya nywele.
Dkt. Muhima Giovanni, mtaalamu wa magonjwa ya ngozi, anaeleza kuwa kuvaa kofia kwa muda mrefu au kufunika kichwa mara kwa mara kunaweza kuzuia ngozi ya kichwa kupata hewa, na hivyo kusababisha nywele kupungua taratibu. Anaongeza kuwa mabadiliko ya homoni – kama wakati wa kukoma hedhi au baada ya kujifungua – yanaweza pia kusababisha nywele kukoma kukua.
Anasema vilevile kuwa ukosefu wa virutubisho kama chuma, zinki na kalshiamu, pamoja na uchovu uliopitiliza, ni sababu nyingine zinazochangia upotevu wa nywele. Anasema:
“Nywele huwa na mfumo wa mzizi kama tumbo la uzazi kwa mwanamke. Mfumo huo ukiharibika, nywele hazikui tena.”
Ushauri unaotolewa ni kuepuka msongo wa mawazo, kula chakula kamili, kupata usingizi wa kutosha, na kuepuka matumizi ya dawa na mafuta makali ya nywele. Wale wanaoona mabadiliko yasiyo ya kawaida kwenye nywele wanashauriwa kumuona daktari mapema.
