Samia Suluhu Hassan wari Visi Perezida wa Repubulika Yunze Ubumwe ya Tanzania amaze kurahirira kuba Umukuru w’Igihugu w’inzibacyuho asimbuye nyakwigendera Dr John Pombe Magufuli wapfuye tariki ya 17 Werurwe 2021.
Ni igikorwa kibaye hashingiwe ku biteganywa n’Itegekonshinga rya Repubilika, rivuga ko mu gihe Umukuru w’Igihugu agize impamvu zituma atabasha gukomeza kukiyobora zirimo urupfu, Visi Perezida ararahira akamusimbura.
Ni ko byagenze, Samia Suluhu arahirira imbere y’Umucamanza Mukuru wa Tanzania, Prof. Ibrahim Juma mu ijwi rito ry’akababaro agitewe n’urupfu rwa Dr Magufuli.
Nyuma yo kurahira, Perezida mushya Samia Suluhu yakorewe akarasisi n’abasirikare ba Tanzania, nk’uko bisanzwe bikorerwa buri wese umaze gukora iki gikorwa kiba rimwe mu myaka itanu.
Samia Suluhu abaye Perezida wa 6 wa Tanzania, akaba ari we mugore wa mbere ugiye kuyobora iki gihugu mu mateka yacyo. Asanzwe ari umuyoboke w’ishyaka CCM (Chama Cha Mapinduzi).
Izi nshingano arahiriye zizarangira mu 2025, igihe manda ya kabiri ya Dr Magufuli yagombaga kuzarangirira.
Kurikira ibiganiro n’amavidewo binyura kuri Bwiza TV
2 Responses
Samia Suluhu amaze kurahirira kuyobora Tanzania, asimbuye Dr Magufuli
Bahati jema hasan kwa kutawala nchi ya Tanzania
Samia Suluhu amaze kurahirira kuyobora Tanzania, asimbuye Dr Magufuli
Bahati jema hasan kwa kutawala nchi ya Tanzania