Komisiyo y’amatora muri Tanzania yatangaje ko Samia Suluhu Hassan ari we watsinze amatora y’Umukuru w’Igihugu yabaye muri iki cyumweru, nyuma yo kugira amajwi 97.66%.
Ku wa Gatatu tariki ya 28 Ukwakira ni bwo abanya-Tanzania baramukiye mu matora y’Umukuru w’Igihugu yakurikiwe n’imyigaragambyo ndetse n’imvururu zikomeye.
Ishyaka Chadema rya mbere rikomeye mu yatavuga rumwe n’ubutegetsi ryatangaje ko abantu babarirwa muri 700 ari bo bamaze kwicirwa muri iriya myigaragambyo, n’ubwo Leta ku ruhande rwayo ivuga ko nta ngufu z’umurengera inzego z’umutekano zigeze zikoresha ku bigaragambya.
Samia Suluhu yegukanye intsinzi nyuma yo guhigika abakandida babarirwa muri 17 bari bahatanye.
Ibi bivuze ko uyu wabaye umugore wa mbere ubaye Perezida wa Tanzania agomba gukomeza kuyobora iki gihugu gituwe n’ababarirwa muri miliyoni 68 mu myaka itanu iri imbere.
Samia ayobora Tanzania kuva muri 2021, ubwo yajyaga ku butegetsi asimbuye Dr. John Pombe Magufuli yari abereye Visi-Perezida wapfuye.
One Response
uyu mumaman yakweguye hakiri ko mbona atangiye nabi