Umugaba w’Ingabo z’u Rwanda zirwanira ku butaka, Maj Gen Vincent Nyakarundi, ari kumwe n’intumwa ayoboye mu ruzinduko rw’akazi rw’iminsi itanu muri Repubulika ya Santarafurika, kuri uyu wa Kabiri yahuye n’ Umugaba w’Ingabo za MINUSCA, Lt Gen Humphrey Nyone.
Mu biganiro bagiranye, Umugaba w’Ingabo za MINUSCA yahaye Umugaba w’Ingabo zirwanira ku butaka amakuru ishusho y’umutekano n’ibikorwa biri mu nshingano za MINUSCA muri rusange, ndetse anagaruka ku mikorere y’ingabo z’u Rwanda ziri muri MINUSCA.
Yashimye ubunyamwuga, ubwitange ndetse n’imyitwarire myiza bikomeje kuranga abasirikare b’u Rwanda bari mu bikorwa byo kubungabunga amahoro.
