Minisiteri y’Ingabo muri Somalia yatangaje ku Cyumweru, ko ingabo z’igihugu zakoze ibikorwa bitandukanye bya gisirikare mu bice bya Bakool na Bay, zihitana abantu benshi bakuru bo mu mutwe w’iterabwoba wa al-Shabaab.
Minisiteri yavuze ko Ingabo za Somalia zishe Mohamed Abdi Mohamed Nur, uzwi kandi ku izina rya Goofoow, umwe mu bagize umutwe w’iterabwoba wagize uruhare mu bitero byinshi byibasiye abasivili mu karere.
Yongeyeho ko yiciwe mu gikorwa cyabereye mu mudugudu wa Abal, umudugudu w’ingenzi uherereye mu birometero 21 mu majyepfo ya Hudur, umurwa mukuru w’intara mu majyepfo y’iburengerazuba bwa Bakool.
Iri tangazo rigira riti: “Muri iki gikorwa, ingabo zafashe kandi intwaro n’inyandiko zigaragaza birambuye imigambi igamije guhungabanya umutekano n’ituze muri ako karere.”
Rivuga kandi ko mu gikorwa cya gisirikare gitandukanye, abantu babiri bakomeye ba al-Shabaab, Yahye, uzwi kandi ku izina rya Abu Khalid, wateguye ibitero by’iterabwoba na Sharif Amir, bishwe.
Nk’uko iryo tangazo ribivuga, Amir yarakomeretse nyuma apfa azize ibikomere bikomeye yagize mu gihe cy’imirwano.
