Leta ya Tanzania tariki ya 6 Werurwe 2021 yatangaje ko yatangiye urugendo (process) rwo kugaruza imvu zayo 74 zibwe, zigafatirwa muri Autriche muri Mutarama 2021.
Byatangajwe n’Umunyamabanga Uhoraho wungirije muri Minisiteri ishinzwe umutungo kamere n’ubukerarugendo, Allan Kijazi mu nkuru ya Xinhua.
Allan Kijazi yavuze ko Guverinoma yatangiye gusaba uburenganzira bwo kugaruza izi mvu, yisunze amasezerano agenga ubucuruzi bw’urusobe rw’ibinyabuzima biri mu marembera yitwa CITES.
Ati: “CITES itwemerera kugarura imvu. Twizeye ko tuzahabwa uburenganzira bidatinze.”
Kijazi yavuze ko Abanyatanzania babiri bafite aho bahuriye n’ubujura bw’izi mvu batawe muri yombi, ku bufatanye na Polisi Mpuzamagahanga hakaba gakomeje gushakishwa n’abandi.
Ati: “Polisi yo mu gihugu ndetse n’umuryango wa Polisi mpuzamahanga bari gufatanya mu gushakisha itsinda ryagize uruhare mu kwiba izi mvu.”
Muri Mutarama ni bwo umugabo w’imyaka 56 y’amavuko yafatiwe ku kibuga cy’indege cya Vienne muri Autriche, atwaye izi mvu mu masogisi no mu dukarito. Iperereza ryerekanye ko zakuwe ku musozi wa Usambara muri Tanzania.
Kurikira ibiganiro n’amavidewo binyura kuri Bwiza TV
