Uyu munsi ku wa 15 Werurwe, habaye tombora ya ¼ cya UEFA Champions/Europa League. Manchester United itombora FC Barcelona, mu gihe Arsenal yatomboraga Napoli.
Muri UCL, harimo amakipe 8 yatomboranye nyuma yamenyekanye ku wa gatatu, tariki ya 13, ubwo amakipe nka FC Barcelona na Liverpool yiyongereye kuri 6 yari yamaze kumenyekana. Aya makipe ni Manchester United, Tottenham Hotspurs, Ajax Amsterdam, FC porto, Manchester City na Juventus de Turin.
Muri UEL (UEFA Europa League) ho hakomeje amakipe nka Arsenal, Villarreal, Benfica, Slavia Praha, Napoli, Valencia, Frankfurt na Chelsea.
Uku ni ko amakipe ya UCL yatomboranye:
Ajax Amsterdam vs Juventus
Liverpool vs Porto
Tottenham vs Manchester City
FC Barcelona vs Manchester United.
*Amakipe nka Ajax, Tottenham, Liverpool na Barcelona azabanza gukinira ku bibuga byayo.
Muri UEL ho ni uku byagenze:
Arsenal vs Napoli
Villarreal vs Valencia
Benfica vs Frankfurt
Slavia Praha vs Chelsea.
Imikino ibanza ya ¼ cya UCL izaba tariki ya 9 n’iya 10, mu gihe iyo kwishyura izaba tariki ya 16 na 17. Iya Europa league izaba tariki ya 11, iyo kwishyura ibe kuri 18 Mata.
Tubibutse ko umukino wa nyuma(final) wa UCLuzabera i Madrid ku kibuga cya Wanda Metropolitano tariki ya 1 Kamena, na ho uwa Europa League uzabera i Baku muri Azerbaijan ku wa 29 Gicurasi, 2019.
