William Lecerf ukomoka mu Bubiligi akaba asanzwe anakinira ikipe ya Soudal Quick-Step Devo Team niwe wegukanye agace ka kane ka Tour du Rwanda kavaga i Karongi kerekeza i Rubavu ku ntera y’ibilometero 93.
Ku rutonde rusange William Junior Lecerf yari uwa gatatu, akaba ahabwa amahirwe yo kwegukana iri rushanwa. Ikipe ya Soudal Quick-Step Devo Team yanegukanye Agace ka Mbere ka Tour du Rwanda ni iyo mu Bubiligi, igizwe n’abakinnyi batanu bayobowe na William Junior Lecerf, Jonathan Vervenne, Pepijn Reinderink, Jan Kino na Jelle Harteel.
Ni mu gihe Umunyarwanda uri hafi ku rutonde rusange asigwa amasegonda 7”, ndetse akaba avuga ko icyizere kigihari.
Aka gace ka kane kahagurukiye mu Karere ka Karongi kerecyeza i Rubavu, kari kagizwe n’ibilometero 93, aho abakinnyi bahagurutse ku isaaha ya saa tanu n’igice (11:30’).
Pepijn Reinderink wo muri iyi kipe ni we ukomeje kwambara umwenda w’umuhondo.
