Banki y’Isi yemeje inkunga nshya yo kongerera ubushobozi n’ubumenyi urubyiruko rusaga 200.000 mu Rwanda binyuze muri gahunda ya ‘Priority Skills for Growth and Youth Empowerment (PSGYE)’.
Iyi gahunda ya miliyoni 200 z’amadorali, yatewe inkunga n’Ishyirahamwe Mpuzamahanga rishinzwe Iterambere (IDA), igamije kongerera urubyiruko runaka ubushobozi bwo guhatana ku isoko ry’umurimo hagamijwe gushimangira ubushobozi bw’inzego mu kunoza serivisi zitangwa mu guteza imbere ubumenyi.
By’umwihariko, gahunda izongerera amahirwe yo kubona ubumenyi busabwa ku isoko ku rubyiruko, harimo urubyiruko Rutari mu Burezi, Akazi, cyangwa Amahugurwa (NEET).
Iyi gahunda ijyanye n’ingamba zagutse za Guverinoma y’u Rwanda zo kongerera ubushobozi abaturage, kimwe mu bigomba kurufasha kugera ku ntego z’Icyerekezo 2050.
