Raporo y’Umuryango Mpuzamahanga urwanya ruswa n’akarengane ya 2020 yashyize u Rwanda ku mwanya wa 49 mu bihugu 180 n’amanota 54% mu kurwanya ruswa aho rwiyongereyeho 1%. U Rwanda ruracyari ku mwanya wa 4 muri Afurika ruriho kuva mu 2018, amanota rwari rufite icyo gihe yavuye kuri 56 ku ijana agera kuri 53 mu 2019 kuri ubu rukaba rufite 54% mu 2020. U Rwanda ruherekeje ibihugu nka Seychelles, Botswana na Cap Vert. Ni ubushakashatsi bushingira ku bipimo n’ amanota atangwa n’ ibigo 7 ku rwego mpuzamahanga aho bimwe mu bipimo bishingirwaho ari impinduka mu rwego rwa politiki, mu bukungu ndetse no mu micungire y’inzego. Ni ubushakashatsi bukorwa kuva mu 1995
Denmark na Newzeland baraza ku isonga n’amanota 88% mu gihe inyuma hari Syria ifite 14%, Somalia ifite 12% na Sudani y’Epfo ifite 12%.
