U Butaliyani ni kimwe mu bihugu biri kwibasirwa n’icyorezo cya Corona Virus, kuri ubu iki gihugu cyafunguye Radiyo igiye kujya itanga ubutumwa bujyanye n’ubuzima n’uburyo bwo kwirinda Virus ya Corona (COVID-19)
Radio Red Zone ni izina ryahawe iyi radiyo ,ivugira mu gace k’umugi ka Codogno agace kazwi nka Wuhan of Italy,kakaba ari agace kamaze iminsi mu kato gakomeye kubera iyi virusi. Iyi ni imwe mu ngamba zitandukanye igihugu cy’Ubutaliyani cyafashe hagamijwe gukangurira abaturage kwirinda icyorezo cya Corona Virus gihangayikishije isi. Radio Red Zone ngo yashyizweho kugira ngo ikomeze gufasha abantu bashyizwe mu kato kubera Corona Virus kugira ngo n’ubwo badatembera ariko byibura bajye bumva amajwi y’abandi bantu n’ubutumwa butandukanye aho bari bityo bibakomeze binabatere imbaraga. Abagera ku 50,000 muri aka gace bamaze ibyumweru mu kato mu rwego rwo kwirinda ikwirakwizwa ry’iyi virusi. Kuri ubu imibare igaragaza ko abantu 102,238 bamaze kugaragarwaho na Corona, abangana na 3,497 bamaze guhitanwa nayo naho 57,623 bakaba barakize iyi Virus ya Corona. Icyitonderwa: Iyi mibare ni iy’agateganyo kuko ihindagurika buri kanya)
