Kuri uyu wa Kane, itariki 2 Nyakanga 2026, Ofisiye babiri bo mu Ngabo z’u Rwanda, Maj Caleb Kamuntu na Maj J.D. Mageza Gasasira, basoje amasomo agenewe Ofisiye bakuru yabereye mu Ishuri Rikuru rya Gisirikare i Kimaka, Jinja, muri Uganda.
Umuhango wo gutanga impamyabumenyi witabiriwe na Brig Gen JC Ngendahimana, Umuyobozi Wungirije w’ Ishuri Rikuru ry’ Ingabo z’u Rwanda riri Nyakinama, ndetse na Col Emmanuel Ruzindana, Uhagarariye inyungu za gisirikare muri Ambasade y’u Rwanda muri Uganda.
