Imibare y’urubuga Worldo meters yerekana isegonda ku rindi uko icyorezo cya COVID-19 cyifashe ku Isi, yerekana ko iki cyorezo kimaze kwandurwa n’abarenga ibihumbi 500 hirya no hino ku Isi. Abantu bo mu bihugu 199 hirya no hino ku Isi ni bo bamaze kwandura kiriya cyorezo. Saa tatu n’iminota 10 kuri uyu wa 27 Werurwe abarirwa bamaze kwandura COVID-19 ni 533,021 ku Isi, mu gihe abo yari imaze guhitana ari 24,096. Abantu 124,388 ni bo bari bamaze Gukira kiriya cyorezo, mu gihe abakikirwaye ari 384,537. Abantu 364,881 (95%) bangana na 95% by’abarwaye Coronavirus barwaye byoroheje, mu gihe 19,656 bangana na 5% by’abayirwaye barembye cyane. Leta Zunze ubumwe za America zifite abarenga 85,000 bamaze kwandura icyorezo cya Virusi ya Corona, mu gihe Ubutaliyani bufite abarenga 8,200 imaze kwica. Icyitonderwa: Iyi mibare yicara ihindagurika
