Inzego z’umutekano za Repubulika iharanira Demokarasi ya Congo, kuri uyu wa kabiri, itariki ya 08 Nzeri 2020 zataye muri yombi umugabo bivugwa ko ari inyeshyamba ya FDLR wari ufite imbunda ya AK 47, mu gace ka Mugunga, Komini ya Karisimbi, mu Mujyi wa Goma, muri Kivu y’Amajyaruguru.
Iyi nkuru dukesha 7SUR7.CD iravuga ko uyu mugabo yafashwe mu gitondo n’abashinzwe umutekano babarizwa mu itsinda rya ‘Groupe Mobile d’Intervention (GMI)’ nyuma yo guhabwa amakuru n’abaturage.
Uyu mugabo uri mu kigero cy’imyaka mirongo itatu arakekwaho kuba mu nyeshyamba z’umutwe witwaje intwaro w’Abanyarwanda wa FDLR nk’uko byatangajwe n’umuyobozi w’umujyi.
Ati: “Twizera ko bivugwa ko ari inyeshyamba za FDLR, ariko ntidushobora kubyemeza neza kuko iperereza rigikomeje. GMI yaramufashe, abapolisi baramubaza none afungiye muri gereza ya polisi ishinzwe iperereza”.
Abajijwe n’abanyamakuru, ushinjwa yahakanye uruhare rwe mu mitwe y’inyeshyamba avuga ko ari umucukuzi w’amakara muri parike ya Virunga.
Iyi nkuru iributsa ko mu gihe cy’icyumweru abantu 7 bishwe n’abantu bitwaje imbunda mu Mujyi wa Goma. Igitero giheruka ku mugoroba wo ku wa mbere, itariki 07 Nzeri, cyagabwe mu gace ka Ndosho gihitana abantu 4 barimo abasirikare 2 ba FARDC n’umupolisi 1.
4 Responses
Umugabo bikekwa ko ari inyeshyamba ya FDLR yafatiwe i Goma afite imbunda
ariko arashonje koko, ubu se ntiyaba yaribagiwe imyaka ye y’amavuko 30?
Umugabo bikekwa ko ari inyeshyamba ya FDLR yafatiwe i Goma afite imbunda
ariko arashonje koko, ubu se ntiyaba yaribagiwe imyaka ye y’amavuko 30?
Umugabo bikekwa ko ari inyeshyamba ya FDLR yafatiwe i Goma afite imbunda
Bibere isomo umwe wiyita kasawuti kasanova wirirwa abiba urwango mu banyarwanda.ariko ntawamurenganya yigishijwe ingengab…. na ba bagosora na base wabo.
Umugabo bikekwa ko ari inyeshyamba ya FDLR yafatiwe i Goma afite imbunda
Bibere isomo umwe wiyita kasawuti kasanova wirirwa abiba urwango mu banyarwanda.ariko ntawamurenganya yigishijwe ingengab…. na ba bagosora na base wabo.