Umunyemari Elon Musk, umunyamigabane myinshi mu ruganda rukora amamodoka Tesla, isosiyete ikora ibyogajuru SpaceX, urubuga nkoranyambaga X, n’ikigo cy’ikoranabuhanga ry’ubuhangano, xAI, akomeje kuza ku isonga ku rutonde rw’abantu bakize kurusha abandi ku Isi rwashyizwe ahagaragara kuri uyu wa Kabiri, itariki 10 Werurwe, n’ikinyamakuru Forbes.
Umutungo we ubu urabarirwa muri miliyari 839 z’amadolari, ugereranije na miliyari 342 z’amadolari yabarirwaga ku rutonde rwashyizwe ahagaragara umwaka ushize.
Ibi bivuze ko arusha umutungo abantu batatu bamukurikiye kuri uru rutonde: Abashinze Google Larry Page (miliyari 257 $) na Sergey Brin (miliyari 237 $). Umuyobozi mukuru wa Amazon, Jeff Bezos ni uwa kane (miliyari 224 z’amadolari), naho Umuyobozi mukuru wa Meta, Mark Zuckerberg ni uwa gatanu (miliyari 222 $).
Umunani mu myanya icumi ya mbere ifitwe n’Abanyamerika.
Umuyobozi mukuru w’igihangange LVMH, Umufaransa Bernard Arnault, n’umuryango we baza ku mwanya wa karindwi (miliyari 171$).
Ku mwanya wa munani hari Umunyamerika ukora za semiconductors (miliyari 154$), hagakurikira Warren Buffett (miliyari 149$), naho Umunya- Espagne, Amancio Ortega, washinze Inditex (Zara), ni uwa cumi (miliyari 148$).
