Perezida wa mbere wa Tunisia watowe binyuze muri demokarasi, umukambwe Béji Caà¯d Essebsi w’imyaka 92 kuri uyu wa kane yitabye Imana nk’uko byatangajwe na perezidansi y’iki gihugu. Ni nyuma y’uko yari yakiriwe mu Bitaro bya gisirikare bya Tunis kubera uburwayi bwakomeje kumugendaho kuva mu kwezi gushize nk’uko umuhungu we yabitangaje.
Perezida Béji Caà¯d Essebsi yari yabanje kwakirwa mu bitaro kuwa 21 na 27 Kamena.
Uyu mukambwe yari umuntu w’ingenzi muri politiki ya Tunisia kuva Perezida Zine El-Abidine Ben Ali yakurwa ku butegetsi mu 2011 mu kiswe Arab Spring cyakurikiwe no kwivumbagatanya kw’abaturage ku butegetsi bw’igitugu mu bihugu bitandukanye by’Abarabu.
Perezida Béji Caà¯d Essebsi akaba atabarutse mu gihe Tunisia yitegura amatora y’abadepite kuwa 07 Ukwakira, ndetse n’amatora y’umukuru w’igihugu kuwa 17 Ugushyingo 2019. Izaba ari inshuro ya 3 Abanyatuniziya bazaba bagiye gutora mu bwisanzure kuva mu 2011.
